د علومو اکاډمي دوه تنه غړي د فرهنګي ميراثونو د ساتنې په پار د غازي محمد ايوب خان په لوړو دولتي مډالونو تقدير شول
د افغانستان اسلامي جمهوریت جمهوررئیس محمد اشرف غني د فرهنګي میراثونو د ساتنې او ملاتړ ورځې په ویاړ ۱۲ تنو ته د لرغونو اثارو او کلتوري میراثونو د ساتنې په برخه کې د غوره خدمتونو د قدرونې په موخه دولتي مډالونه ورکړل.
په چهار چنار ماڼۍ کې په دې مناسبت جوړې شوې غونډې کې د نورو لسو تنو فرهنګيانو او د فرهنګ د ساتنې د خادمانو تر څنګ د علومو اکاډمۍ دوه تنه هريو څېړنپوه کتاب خان فيضي د لرغونپوهنې د مرکز علمي منشي او محمدآمان الله يار چې د علومو اکاډمي د کتابتون د توزیع مامور دی د غازي محمد ايوب خان په عالي دولتي مډالونو ونازول ، واقعا دواړه د علم فرهنګ او اثارو په ساتنه ، څېړنه او پالنه کې د قدر وړ خدمتونه کړي دي .
د افغانستان د علومو اکاډمي د ولسمشر دې نيک ګام ته د قدر په سترګه ګوري ، مننه او قدر داني يې کوي چې واقعا د فرهنګ او کلتور خادمان ستايي.
