د خوږو جوارو د (FAO 290) ګروپ د هایبرېډونو د ودې او اقتصادي ارزښت مطالعه
(علمي څېړنیز کنفرانس)
کابل _ ۱۱/۳/۱۴۰۱
د کیمیا، بیولوژي او کرنې د مرکز د کرنې د انسټيټوټ علمي غړي څېړندوی محمد منیر نظیري د (د خوږو جوارو د (FAO 290) ګروپ د هایبرېډونو د ودې او اقتصادي ارزښت مطالعه) تر سرلیک لاندې خپل د مکلفیت کنفرانس ارایه کړ. په دې کنفرانس کې لومړی د جوراو د دوه رګه کولو (Hybridization)، د هغه ډولونو او د تاریخچې په اړه معلومات وړاندې شول. وروسته بیا د څېړنې په موادو او مېتود بحث وشو، د څېړنې په جریان کې د FAO290 ګروپ د خوږو جوارو د غوره تر لاسه شویو هایبرېډونو د ودې اقتصادي اغېزمنتوب په اړه معلومات وړاندې شول، د څېړنې پایلې روښانه شوې او د ترلاسه شویو پایلو پر بنسټ اړوندو ادارو ته وړاندیزونه وشول.
د کنفرانس په پای کې د ګډونوالو پوښتنې ځواب شوې او د ارزونې کمیسیون له لوري کنفرانس مثبت و ارزول شو.
