د پښتو د منظومو ادبياتو په پرمختيايي بهير کې د ښځو ونډه» علمي- تحقيقي پروژې دفاعيه غونډه
کابل: د افغانستان د علومو اکاډمي د ژبو او ادبياتو مرکز مرکز علمي غړې څېړنوالې ملکې مشتري په ۳/ ۶/ ۱۳۹۹ نېټه له خپلې علمي- څېړنیزې پروژې «د پښتو د منظومو ادبياتو په پرمختيايي بهير کې د ښځو ونډه» څخه په بریالیتوب دفاع کړه.
اغلې مشتری دغه پروژه د څېړنپوه محمد عارف غروال په لارښوونه بشپړه کړې او د نوموړي مثبت نظر يې ترلاسه کړی او همدارنګه درېيو استادانو هر يو څېړنپوه نصرالله ناصر، څېړنوال سید نظيم سيدي او څېړنوال محمد اصف احمدزي پرې مثبت تقریظونه لیکلي وو.
یاده پروژه پر سریزې سربېره په شپږو څپرکو کې څېړل شوې او لیکل شوې ده چې په پای کې د څېړنې پایله او وړاندیزونه هم راوړل شوي دي.
په ټوله کې په دغې پروژه کې د لرغونې، منځنۍ او معاصرې دورې په منظومو ادبياتو کې د ښځو پر رول او ونډې بحث او څېړنه شوې ده.
