د ژبې د سوچه والي نظریې ته کتنه
« علمي ــ څېړنیز کنفرانس »
د علومو اکاډمي د ژبو او ادبیاتو مرکز د لرغونو ژبو د انستیتوت علمي غړي څېړندوی رحیم الله حریفال (د ژبې د سوچه والي نظریې ته کتنه) په نامه علمي ــ څېړنیز کنفرانس د ۱۴۰۱ هــ ل کال د ثور د میاشتې پر (۵)مه نېټه وړاندې کړ.
په نوموړې کنفرانس کې د ژبې د سوچه والي(پوریزم)، د سوچه غوښتونکو او سوچه ژبې په اړه بحث وشو او همدارنګه د یادې موضوع په اړه د پوهانو نظریات هم له ګډونوالو سره شریک شول او په پایله کې وویل شول چې د ژبې د سوچه والي اړتیا ده، خو په منځلاریتوب او اعتدال سره باید دا بهیر مخ ته یوړل شي.
په پای د ارزونې د کمېسېون له خوا یاد کنفرانس د رأیو په اتفاق مثبت وارزول شو.
