ملت ته د دولت حساب ورکولو د پروګرام په لړ کې د افغانستان د علومو اکاډمي راپور وړاندې شو
ولس ته د دولت د حساب ورکولو په لړ کې، نن «دوشنبه» د افغانستان د علومو اکاډمۍ د حکومت د رسنیو په مرکز کې د دې ادارې د ۱۴۴۴هـ.ق کال د لاسته راوړنو او فعالیتونو بشپړ راپور وړاندې شو.
په دې غونډه کې د علومو اکاډمي مشرتابه او د رسنيو استازو ګډون کړی وو.
دغه راپور د علومو اکاډمۍ مرستیال شیخ الحدیث مولوي امیرجان ثاقب، د علومو اکاډمۍ علمي منشي څېړنوال دکتور رفیع الله نیازي او د دې ادارې د اطلاعاتو او عامه اړیکو رئیس مولوي محمد عمر جلال وړاندې کړ.
د دغې غونډې په پای کې د خبريالانو پوښتنو ته ځوابونه هم وويل شول.
