د کابل مجلې تازه ګڼه چاپ شوه
کابل مجله یوه علمي ـ څېړنیزه مجله ده چې
د ژبني، ادبي او فولکلوري موضوعاتو په اړه د بېلابېلو لیکوالو مقالې په کې نشرېږي. دغه مجله په کال کې څلور ګڼې خپرېږي چې دا دی د ۱۴۰۰ لمریز کال ۱ – ۲مه ګڼه چې په ۱۴۰۰ لمریز کال کې یې د چاپ او خپراوي تمه کېدله، خو په هېواد کې د سیاسي تحولاتو او ځينو نورو ملاحظاتو له کبله ځنډېدلې وه؛ د ا.ا له راتګ سره تر بیا کتنې وروسته چاپ او خپره شوه. په دغه ګڼه کې لاندې مقالې چاپ شوې دي:
۱. په داستاني ادب کې د پېښو ارزښت/ څېړنوال سید نظیم سیدي
۲. د فابل(Fable) پېژندنه او په ادبیاتو کې یې ونډه/ څېړنپوه محمد نبي صلاحي
۳. استاد رښتين؛ د ادبي راپورتاژ ليکنې سرلارى/ څېړنوال محمد اصف احمدزی
۴. په «چونغر» کې د طبیعت انځور/ پوهنمل ګل رحمن رحماني
۵. طلايي مثلث/ څېړنپوه عبدالقیوم مشواڼی
۶. په پښتو ژبه کې تصوفي کتابونه/ پوهنمل رحمن الله قانع
۷. لیکوال او یووېشتمه پېړۍ/ څېړندوی رحیم الله حریفال
۸. ادبي پنځونې او د پرتليزې کره کتنې تله/ څېړندوی فضل الرحمن علیزی
۹. په لنډيو کې طنزیه توکي/ محمد رحمن رحماني
۱۰. د ښکلا موزیکاله وږمه/ پوهنیار رحمت الله حکیمي
۱۱. په پښتو شعر کې نوي جوړښتونه، د هغو قواعد او بېلګې/ څېړندوی محمد داود ناظم
۱۲. د اندړو ولسوالۍ د ښځو مېله/ څېړندویه راضیه نوري
۱۳. د ځینو خاصو منظومو ولسي فورمونو خپلمنځي توپیرونه/ څېړنیار یاسر پاچا
تاسې کولای شئ چې دغه ګڼه د افغانستان د علومو اکاډمۍ د اطلاعاتو او عامه اړیکو ریاست له ریاست څخه ترلاسه کړئ.
