د مسلکي زده کړو نه لرونکو تخنیکي وړتیا لرونکو سره د مرستې فرصت
د افغانستان علومو اکاډمي د نوښتګرو د ملاتړ او تشویق په موخه اعلان کوي چې له هغو کسانو سره علمي او تخنیکي همکاري ته چمتو ده چې د پاموړ کشفیاتو، اختراعاتو او ابتکاراتو درلودونکي وي. دا همکاري به د دوی د لاسته راوړنو د ارزونې، څېړنې او تثبیت په برخه کې ترسره شي.
له همدې امله له ټولو هغو نوښتګرو او مخترعینو څخه، چې علمي او تخنیکي لاسته راوړنې لري او اړین شرایط پوره کوي، غوښتنه کېږي چې د اړوندو معلوماتو او اسنادو د وړاندې کولو لپاره د افغانستان د علومو اکاډمي د ریاضي، فزیک او تخنیکي علومو مرکز ته مراجعه وکړي.
