د قران کریم نومونه او صفتونه ( ښوونیز – روزنیز نقش او آثار) کتاب چاپ شو
د قران کریم نومونه او صفتونه د مولوی محمد ناصر حلیمی (۹۱۳) مخیز علمي او څېړنیز اثر دی چې د افغانستان د علومو اکاډمي د اطلاعاتو او عامه اړیکو ریاست له خوا چاپ شو.
په دې کتاب کې له (۱۳۱) ماخذونو څخه په ګټه اخستنه، د بشري ستونزو حل ته د بشري او طبیعي منابعو انکشاف له لارې د قراني او نبوي لارښوونو پر بنسټ د الهي او بشري حقونو د ادا پر محور تحلیلی څیړنه شوی ده. د علم او ایمان تر منځ د عاطفې او د عقل تر منځ د پخلاینې او متوازنې ودې، برنامه محور، علمي او خوندور ادبي انځورونه لري چې د ژوندانه د ګنو ډګرونو په پرمختګ او پر شا تګ کې د طبیعي، اعتقادي او عبادي علومو تر منځ د تاثیر، تاثر او ارزښت په تړاو پر قرآني آیاتونو ګټور استدلال شوی دی، د ګڼو علومو متخصصینو او مینه والو ته د الهي وحې په رڼا کې د معاصر ښوونيز او روزنیز جریان د پېژندنې، ارزونې او کار اخیستنې لپاره غوره ډالۍ ده.
د دې علمي – څېړنيز اثر د منځپانګې لومړي مخونه په لاندې لينک کې لوستلی او تر لاسه کولی شئ...
يادونه: دا کتاب د علومو اکاډمي له اطلاعاتو او عامه اړيکو رياست څخه په مناسبه بيه تر لاسه کولای شئ.
د اړيکې شمېره: ۰۲۰۲۲۰۱۲۷۹
