د طبیعي – تخنيکي علومو معاون ښاغلي شیخ الحدیث مولوي امیرجان ثاقب د علومو اکاډمۍ له لابراتوارونو څخه لیدنه وکړه

نن پنجشنبه د شوال د میاشتې ۱۲مه نېټه د طبیعي – تخنيکي علومو معاون ښاغلي شیخ الحدیث مولوي امیرجان ثاقب د علومو اکاډمۍ له لابراتوارونو (د طبي علومو تشخیصیه – څېړنیز کلینیک او لابراتوار، د کیمیا، بیولوژۍ او کرنې علمي مرکز د اوبو او خاورو لابراتوارونه، د ریاضي، فزیک او تخنیکي علومو مرکز لابراتوار) څخه لیدنه وکړه، په دغه لیدنه کې د نشراتو د رئیس، د طبیعي- تخنیکي علومو د رئیسانو سربېره د اړوندو برخو څېړونکو او متخصصینو هم حضور درلود او د متخصصینو له لورې معاون صاحب ته د ټولو لابراتوارونو په اړه معلومات ورکړل شو او د لابراتوارونو او کلینیک د مسؤلینو له لورې معاون صاحب ته د دغه لابراتوارونو د کیمیاوي موادو د پوره کولو په صورت کې د هر راز استفادې ډاډ ورکړل شو.

ښاغلي معاون صاحب د اړوندو لابراتوارونو او کلینیک د مسؤلینو کارونه وستایل او یاد مسؤلین یې د لا نورو داسې کارونو لپاره تشویق کړل او همدارنګه یې د ټولو لابراتوارونو د اړتیا وړ موادو د پوره کولو ډاډ ورکړ.