د افغانستان په علومو اکاډمي کې د ماسټري او دکتورا د برنامې د پیلېدو په اړه ناسته وشوه.
کابـل ــ نـن دوشنبـه د ۱۴۰۱ ل کال د مرغومي/ جدي د میاشتې په ۱۹ مه نېټه د علومو اکاډمي د بشري علومو د برخې د مرستیال محترم سرمحقق دکتور محمد علم اسحق زي په مشـرۍ د علومـو اکاډمي د دکتور صاحبانو په ګډون، د افغانستان په علومو اکاډمي کې د ماسټرۍ او دکتورا د برنامې د پیلېدو په اړه غونډه وشوه.
غونډه سهار (۱۰:۳۰) د قرآن عظیم الشان د مبارکو آیتونو په تلاوت سره پیل شوه چې وروسته ناستې هر ګډونوال د موضوع په اړه په تفصیل سره خپل نظریات وړاندې کړل، له اوږده بحث او خبرو وروسته په اړوندو برخو کې د چارو په ښه ډول د ترسره کېدو په موخه، ځانګړو کمیټو ته دندې وسپارل شوې.
