د افغانستان د علومو اکاډمي رهبري په خپل کاري دفتر کې د بهر میشتو افغان علماوو او متخصیصو کادرونو سره ملاقات وکړ
نن پنجشنبه چې د ۱۴۰۱ لمریز کال د جوزا د میاشتې ۱۸ مې نېتې سره برابره ده، د افغانستان د علومو اکاډمي رهبري په خپل کاري دفتر کې د بهر میشتو افغان علماوو او متخصیصو کادرونو سره ملاقات وکړ.
په دې ملاقات کې د هېواد په علمي، فرهنګي، اقتصادي پرمختګ باندې بحث ترسره شو، د علومو اکاډمي رهبرۍ بهر میشتي متخصیصین پانګوال او مخور شخصیتونه را دعوت کړل چې د هېواد د آبادۍ او ترقۍ لپاره په افغانستان کې پانګونه وکړي او د خپلو علمي تجاربو او پانګې په وسیله د دې ټولنې د ځان بساینې سبب وګرځي.
همدا شان راغلو میلمنو هم د زده کړو، اقتصادي پرمختګ او د یو بل منلو په اړه خپل نظریات په ازادانه ډول مطرح کړل او په دې اړه یې د لازیاتو بحثونو او مجالسو د دایرولو تاکید وکړ.
په پای کې د علومو اکاډمي د رهبرۍ له خوا راغلیو میلمنو ته کتابونه ډالۍ کړل شو.
