د «سيمه ييز مطالعات» ژورنال نوې ګڼه چاپ شوه
سيمه ييز مطالعات ژورنال د افغانستان د علومو اکاډمۍ د سيمه ييزو مطالعاتو د مرکز علمي – څېړنيز ژورنال دی چې په ۱۳۸۵ هـ.ش کال کې يې خپرونې پېل کړې، چې تراوسه يې ۵۴ ګڼې خپرې کړې دي. په دغه ژورنال کې د سيمې د هېوادونو پر سياسي، اقتصادي او کلتوري حالاتو تحليلي بحثونه خپريږي، همدارنګه د نړيوالو سازمانونو او سيمه ييزو بنسټونو سره د سيمې د هېوادونو او افغانستان پر اړيکو تحليلي بحثونه هم خپرېږي.
د سيمه ييزو مطالعات ژورنال نوې ګڼه چې تازه له چاپه راوتې، ټول ۲۲۹ مخونه لري چې په کې د سيمه ييزو حالاتو په اړه ۱۰ علمي- څېړنيزې مقالې خپرې شوې دي چې سرليکونه يې په دې ډول دي:
۱- سودان پس از عمر حسن البشير/ محقق غلام نبی حنفی.
۲- د امريکا متحده ايالاتو او منځنۍ آسيا هېوادونو اړيکې / څېړندوی محمد سرور احمدزی.
۳- سياست فرهنګی چين و کاربرد آن در افغانستان بعد از ۲۰۰۱م/ معاون محقق زهره محمدزۍ.
۴-په جنوبي قفقاز کې د روسيې موخې/ څېړندوی عبدالخالق فردوس.
۵- جايګاه ترکيه در سياست خارجی افغانستان/ محقق راضيه غوث.
۶- د افغانستان – پاکستان په اړيکو ښه کولو کې د چين رول او موخې / څېړنيار احسان الله احسان.
۷- تأمين صلح و آشتی ملی در تاجکستان/ سرمحقق عبدالرحيم بختانی خدمتګار.
۸- د ديوبند درالعلوم سياسي فکر او پر افغانستان يې اغيزې / څېړندوی عبدالصبور مبارز.
۹- د هند په سياسي نظام کې د ښځو ونډه / څېړندویه خاطره شينوارۍ.
۱۰- له برجام څخه د امريکا متحده ايالاتو وتل او پر افغانستان يې اغيزې/ څېړندوی رحمت الله همت.
ټول هغه مينه وال چې غواړي «سيمه ييز مطالعات» ژورنال دغه ګڼه ترلاسه کړي، نو کولای شي د افغانستان د علومو اکاډمۍ د سيمه ييزو مطالعات مرکز او يا هم د علومو اکاډمۍ د خپرونو او عامه اړيکو رياست سره په اړيکه کې شي.
يادونه: د پوهنتون محصلين او د مکتبونو شاګردان کولای شي دغه ګڼه په ۴۰ افغانۍ ترلاسه کړي.
د اړيکې شمېره: ۰۲۰۲۲۰۱۲۷۹
