آیا ایندرکوڼ اسطوره یوه بشپړه حماسه ده
(علمي- تحقيقي کنفرانس)
د ژبو او ادبیاتو مرکز د پښتو ژبې او ادبیاتو انستیتوت علمي غړي څیړنوال سید نظیم سیدي د (( آیا ایندرکوڼ اسطوره یوه بشپړه حماسه ده ؟)) تر سرلیک لاندې خپل د مکلفیت کنفرانس ارایه کړ. په دغه کنفرانس کې لومړی د اسطورې په اړه، د اسطورې د ډولونو په اړه او د حماسې په اړه معلومات وړاندې شول.
د اندرکوڼ اسطورې په مختلفو وریانټونو بحث وشو او په نوموړې اسطوره کې د حماسې ځانګړنې وڅېړل شوې. دا چې د حماسو یو اصل دا دی چې اسطوره به وي نو زموږ د تاریخي سیمې (( نورستان )) اندر کوڼ اسطوره هم د حماسې د ځانګړنو له مخې یوه بشپړه حماسه وګڼل شوه او د څېړنې له مخې زبات شوه.
د کنفرانس په پای کې د ګډونوالو پوښتنې ځواب شوې او د ارزونې د کمیسیون له لوري کنفرانس مثبت و ارزول شو.
