«د مسجع نثر څېړنه» اثر چاپ شو
«د مسجع نثر څېړنه» د افغانستان د علومو اکاډمۍ د ژبو او ادبیاتو مرکز د پښتو ژبې او ادبياتو انسټيټوټ د علمي غړي ښاغلي څېړنپوه محمد اصف احمدزي اثر دی چې د اطلاعاتو او عامه اړیکو ریاست له خوا په ۴۴۰ وزيري سايز مخونو کې چاپ شوی دی.
پر دې اثر اکاډميسين دوکتور سيد محی الدین هاشمي د لارښود استاد په توګه، څېړنپوه زلمي هېوادمل، څېړنپوه نصرالله ناصر، څېړنپوه محمد نبي صلاحي او څېړنپوه دوکتور عبدالظاهر شکیب د تقریظ ورکوونکو په توګه خپل نظریات لیکلي دي.
د دغه اثر په لومړي څپرکي کې د موضوع شالید ته کتنه شوې، په دويم څپرکي کې د نثر پر پېژندنې او د پښتو نثر په پرمختيايي بهير بحث شوی، په درېيم څپرکي کې د مسجع نثر پېژندنه شوې او د هغه د پيدايښت څرنګوالی جوت شوی، په څلورم څپرکي کې په پښتو ادب کې د مسجع نثر د تاريخي بهير څېړنه شوې ده، په پنځم څپرکي کې په پښتو ادب کې په مسجع نثر د ليکل شوو آثارو تحليلي څېړنه او ارزونه شوې او شپږم څپرکي کې په وروستيو دوو پېړيو او معاصره ادبي دوره کې د پښتو مسجع نثر ليکنې بهير څېړل شوی دی.
دغه اثر پر پايلې وړانديزونو او مأخذونو پای ته رسېدلی دی.
د دغه اثر د منځپانګې لومړي مخونه په لاندې لينک کې لوستلی او تر لاسه کولی شئ:
يادونه: دغه کتاب د علومو اکاډمۍ د اطلاعاتو او عامه اړيکو له رياست څخه په مناسبه بيه تر لاسه کولای شئ.
د اړيکې شمېره: ۰۲۰۲۲۰۱۱۷۹
