«د افغانستان د علومو اکاډمي د پښتو خطي نسخو تحلیلي څېړنه» اثر چاپ شو

دغه اثر څېړنیار شریف الله دوست لیکلی چې د افغانستان د علومو اکاډمي د اطلاعاتو او عامه اړيکو رياست له خوا په (۱۶+ ۴۳۸= ۴۵۴) وزيري سايز مخونو کې چاپ شوی دی.

د دې اثر په څلورو فصلونو کې شاوخوا ۲۸۰ پښتو خطي نسخې معرفي شوې دي. یادې نسخې په دوو برخو کې تحلیل شوې دی. لومړۍ برخه زړې خطي نسخې دي چې له یوولسمې هجري پېړۍ څخه تر څوارلسمۍ هجري پېړۍ رارسیږي، دوهمه برخه یې له څوارلسمي هجري پېړۍ څخه تر ۱۳۸۰هـ. ش کلونو پورې خطي نسخې رانغاړي.

په یادو نسخو کې یو شمېر یې چاپ شوي، یو تعداد ارزښتناکې نسخې لا هم د چاپ لارې څاري.

دا نسخې هره یوه یې تر پنځلسو ځانګړنو پورې په بېل بېل ډول پېژندل شوې دي، نسخې د افغانستان د علومو اکاډمي په کتابتون کې خوندي دي.

د دې علمي اثر د محتوياتو لومړني مخونه په لاندې لينک کې لوستلی او ترلاسه کولی شئ:

https://asa.gov.af/.../%D8%AF%20%D8%A7%D9%81%D8%BA%D8%A7...

یادونه:

د کتاب مينه وال کولای شي دا اثر د افغانستان د علومو اکاډمي د اطلاعاتو او عامه اړيکو له رياست څخه يې په مناسبه بيه واخلي.

د اړيکې شمېره: 0202201279