د افغانستان دعلومو اکاډمي سرپرست رئیس د لوړو زده کړو وزارت له سرپرست وزير سره وکتل
نن د سه شنبې په ورځ د افغانستان دعلومو اکاډمي سرپرست رئيس څېړنوال دکتور عبدالظاهر شکیب د لوړو زده کړو وزارت له سرپرست وزير ښاغلي پوهنمل عبدالتواب بالاکرزي سره وکتل . په دې کتنه کې چې د لوړو زده کړو وزارت په مقر کې ترسره شوه د افغانستان دلوړو زده کړو او علمي څېړنو په اړه بحث وشو او د کميت او کيفيت د ښه والي او پر مختګ لپاره د لازمو لارو چارو په ګوته کولو او د هېواد د علمي څېړنيزو مؤسسو د علمي څېړنو د پرمختګ او ملموسو لاسته راوړنو لپاره د قوانينو او مقرراتو په کتنه، د لوړو زده کړو موسسو او د علومو اکاډمي په اړيکو او د علمي څېړنو په ګډو همکاريو ټينګار وشو. همدارنګه د علومو اکاډمي په اړه د ولسمشر د وروستي حکم په اړه هم خبرې وشوې او په دې اړه په مشترک ډول د کار کولو او همکارۍ ډاډ څرګند شو.
