د روسيې او ایران اړيکې او پر افغانستان يې اغيزې له ۱۹۹۱ – ۲۰۰۸ ز.کال) پورې
«د علمي- څېړنيزې پروژې دفاع»
د افغانستان د علومو اکاډمي، د بشري علومو معاونيت د سيمه ييزو مطالعاتو مرکز د روسيې او قفقاز انسټيټوټ علمي غړي نوماند څېړندوی محمد اسماعيل امیري د نوماندۍ دورې د رفع کولو لپاره له خپلې علمي – څېړنيزې پروژې «د روسيې او ایران اړيکې او پر افغانستان يې اغيزې ۱۹۹۱ ـ ۲۰۰۸ز. کال» څخه د پوهانو او څېړونکو په شتون کې دفاع وکړه.
په دې څېړنه کې د روسيې او ایران ترمنځ له ۱۹۹۱ ز. کال څخه تر ۲۰۰۸ ز. کال پورې سياسي، اقتصادي او نظامي اړيکې وڅيړل شوې او دا چې په دې موده کې د روسيې او ایران اړيکو پر افغانستان څه ډول اغېزې لرلې، تر بحث لاندې ونيول شوې.
د دې علمي – څېړنيزې پروژې د وړاندې کولو په اوږدو کې د ګډونوالو پوښتنو ته د قناعت وړ ځوابونه ورکړل شول او دغه دفاعیه غونډه د ارزونې کميسيون له لوري د رايو په اتفاق مثبت وارزول شوه او د څېړندوی علمي رتبې ته د ترفيع وړ وبلل شوه.
