(د «العقیدة الطحاویة» شرحه) کتاب چاپ شو
د «العقیدة الطحاویة» شرحه چې د ژباړې د مرکز د غړي محمد یاسین مجاهد له خوا ترجمه او ترتیب شوې ده، د اطلاعاتو او عامه اړیکو ریاست له خوا په ښکلي سکښت او بڼه چاپ شوه
دغه کتاب د شیخ احمد عاموه له خوا د اسلامي عقیدې په اړه د امام طحاوي رحمه الله له خوا د چمتو شوي متن لنډه شرحه ده. د دې اثر په لومړي سر کې د امام طحاوي رحمه الله د ژوند په اړه لنډ معلومات وړاندې شوي دي او ورپسې د عقیدې د موضوعاتو لړۍ پیل شوې ده.
د اسلامي عقیدې په اړه د امام طحاوي رحمه الله په لیکنه کې ټول یاد شوي مسایل د اهل السنة والجماعة د تګلارې څرګند او روښانه مسایل دي چې سلسله یې پر الله تعالی له ایمان راپیل شوې، پر مؤمن به مواردو باندې بحث کوي او په پای کې یې پر باطلو او فاسدو عقایدو رد شوی دی.
دا چې دا لیکنه هر اړخیزه، جامع او ډېره ګټوره ده، له همدې امله ګڼې شرحې پرې لیکلې شوې دي. په دې شرحو کې د شیخ محمد احمد عاموه د شرحې یوه ښېګڼه دا ده چې په بشپړ لنډیز سره یې د عقیدې جالب او مهم بحثونه کړي دي.
د دې شرحې پښتو ژباړه هم ډېره روانه او سلیسه ده، عبارتونه او جملې یې پېچلتیا نه لري او په داسې بڼه ترتیب او تیاره شوې ده چې لوستونکی یې لوستلو ته لا هڅېږي.
د دې علمي – څېړنيز اثر د منځپانګې لومړي مخونه په لاندې لينک کې لوستلی او تر لاسه کولی شئ...
https://asa.gov.af/sites/default/files/2023-01/Explanation%20of%20Aqeeda%20Ul%20Tahaweya%20%28Al%20Rowdhat%20Ul%20Nadeya%20sharhul%20Aqeeda%20Ul%20Tahaweya%29.pdf
يادونه: دا کتاب د علومو اکاډمي د اطلاعاتو او عامه اړيکو له رياست څخه په مناسبه بيه تر لاسه کولای شئ.
د اړيکې شمېره: ۰۲۰۲۲۰۱۲۷۹
