بررسی وضعیت فزیکی دریای آمو و اثرات آن بالای کشور
“علمي -څېړنیز کنفرانس”
نېټه : ۱۴۰۱/۳/۱۸
د افغانستان د علومو اکادمۍ د طبیعي – تخنیکي علومو معاونیت د ځمکپوهنې مرکز علمي مـنشي ښاغلي څېړنوال عبدالرحمن لطیف لخوا د ((بررسی وضعیت فزیکی دریای آمو و اثرات آن بالای کشور)) ترسرلیک لاندې علمي ـ څېړنیز کنفرانس چې د علومو اکادمۍ لوی ریس شیخ الحدیث والتفسیر مولوی فریدالدین محمود او د طبیعي – تخنیکي علومو معین شیخ الحدیث والتفسیر مولوي امیرجان ثاقب او ګڼ شمیر نورو څېړونکو او استادانو په کې ګډون کړی وو د علومو اکادمۍ د طبیعی – تخنیکي معینیت د ځمکپوهنې په مرکز کې وړاندې شو. کنفرانس د څو مبارکو آیاتونو په لوستلو سره پېل او په لومړي سر کې د ځمکپوهنې مرکز رئیس ښاغلي څېړنپوه دوکتور احمد شاه عمر وردک لخوا حاضرینو ته ښه راغلاست وویلو تر څنګ د کنفرانس د ضرورت او مبرمیت په اړه خبری وکړی. وروسته ښاغلي څېړنوال عبدالرحمن لطیف لومړی د آمو حوزې په جیومورفولوجیکي جوړښت او د هغه اغیزې په کرنه، اوبیزو رژیمونو او داسې نورو اړوند موضوعات باندې ړنا واچوله او ترڅنګ یې په هېواد کې د اوسنیو وچکالیو او اقلیمي بدلونونو په لړکې له یادې حوزې څخه د ښو ګټو اخیستو لپاره ښې طرحې او وړاندیزونه مطرحه کړل. د کنفرانس په پایله کې د استادانو او څېړونکو سوالونو ته ځوابونه ورکړل شول او کنفرانس مثبت ارزیابي شو، غونډه د طبیعي – تخنیکي علومو د معین لخوا د دعایي په لوستلو سره پای ته ورسېده.
