د کونړ ولایت د اقتصادي پرمختګ فرصتونه او ننګونې
«علمي-څېړنیز کنفرانس»
د افغانستان د علومو اکاډمي د بشري علومو معاونیت، د ټولنیزو علومو مرکز، د اقتصاد انستیتوت علمي غړي ښاغلي څېړندوی شوکت الله عابد ((د کونړ ولایت د اقتصادي پرمختګ فرصتونه او ننګونې)) تر سرلیک لاندې علمي-څېړنیز کنفرانس د ۱۴۰۲ل کال د میزان پر ۹ نېټه وړاندې کړ. دغه کنفرانس درې برخې درلودې: د کونړ ولایت پېژندنه، په اقتصادي سکتورونو کې د شته فرصتونو روښانه کول او په موجوده شرایطو کې د کونړ ولایت د پرمختګ د عمده شاخصونو وړاندې کول.
په کنفرانس کې پر دې بحث وشو، چې د کرنې او مالدارۍ پرمختګ د دغه ولایت د اقتصادي پرمختګ په معنا دی، چې تر څنګ يې د ټوریزم (ګرځندوی) صنعت وده او د اسداباد ښار پراختیا هغه څه دي چې د ټولو اقتصادي سکتورنو ودې ته حرکت ورکوي. په دغه کنفرانس کې پر همدې او نورو اقتصادي محورونو باندې لازم معلومات، ارقام او طرحې وړاندې شوې او په پای کې د څېړونکو او استادانو پوښتنو ته ځوابونه ورکړل شول. کنفرانس د ارزونې د کیمسیون له لوري مثبت و ارزول شو.
