"د پارتیانو تاریخ" اثر چاپ شو

د افغانستان د علومو اکاډمي د اطلاعاتو او عامه اړیکو ریاست د تېر په څېر د علمي، ادبي او تاریخي کتابونو په لړ کې (د پارتیانو تاریخ) په نوم د څېړنپوه دکتور محمد شریف ځدراڼ علمي او څېړنیز اثر چاپ کړ.

په دې علمي او څېړنیز اثر کې د پارتیانو اصل او نسب، د پارتیانو حکومتولي، سیاسي، اقتصادي او فرهنګي وضعیت، بهرنۍ اړیکې او د پارتیانو (اشکانیانو) د امپراتورۍ د ماتې لاملونه د کره علمي او تاریخي منابعو پر بنسټ څېړل شوي دي.

د دغه اثر د منځپانګې لومړي مخونه په لاندې لينک کې لوستلی او تر لاسه کولی شئ:

https://asa.gov.af/.../2023-11/History%20of%20Parthian.pdf

يادونه: دغه کتاب د علومو اکاډمۍ د اطلاعاتو او عامه اړيکو له رياست څخه په مناسبه بيه تر لاسه کولای شئ.

د اړيکې شمېره: ۰۲۰۲۲۰۱۱۷۹