د امارتي ادارو د یو کلنو لاسته راوړنو د تشرېح پروګرام په لړ کې د افغانستان د علومو اکاډمي راپور وړاندې شو
د امارتي ادارو د یو کلنو لاسته راوړنو د تشرېح پروګرام په لړ کې، نن «دوشنبه» د افغانستان د علومو اکاډمۍ د حکومت د رسنیو په مرکز کې د دې ادارې د ۱۴۰۲ هـ.ل کال د زمري له میاشتې څخه تر ۱۴۰۳ هـ.ل کال د زمري میاشتې پورې د لاسته راوړنو او فعالیتونو بشپړ راپور وړاندې شو.
په دې غونډه کې د علومو اکاډمي مشرتابه او د رسنيو استازو ګډون کړی وو.
دغه راپور د علومو اکاډمۍ مرستیال شیخ الحدیث مولوي امیرجان ثاقب، د علومو اکاډمۍ علمي منشي څېړنوال دکتور رفیع الله نیازي، د اسلامي بانکدارۍ او معاصرو مسایلو مرکز رئیس مفتي عبدالحق حقاني او د دې ادارې د اطلاعاتو او عامه اړیکو رئیس مولوي محمد عمر جلال وړاندې کړ.
د دغې غونډې په پای کې د خبريالانو پوښتنو ته ځوابونه هم وويل شول.
بشپړ ویډیویي راپور په لاندې لینک کې کتلای شئ.
