د رسول الله صلی الله علیه و سلم د بختور میلاد په مناسبت د افغانستان د علومو اکاډمي پیغام
الله تعالی فرمایي: «و ما ارسلناک الا رحمة للعالمین» الانبیاء: ۱۰۷ایت، یعني: (ته مو یوازې او یوازې د عالمیانو لپاره رحمت را استولی یې).
څومره بختور یې چې دنیا دې بختوره کړه
څومره منور یې چې دنیا دې منوره کړه
«عطاء»
د رحمة للعالمین صلی الله علیه وسلم زوکړې او بعثت په نړۍ کې جهالت او تورتمونه له منځه وړي او پر ځای یې د علم، عدل او انصاف رڼا راوړې ده، ټولو افغانانو، ورونو او خویندو او د ګردې نړۍ مسلمانانو او نورو دین دوستو او منصفینو ته د زړه له کومې مبارکي وایو.
الله تعالی دې وکړي چې سږنی کال د رحمت، خواخوږۍ، سولې او سوکالۍ کال او څنګه چې رسول الله صلی الله علیه وسلم د عالمیانو رحمت دی، دغه کال د نړۍ مسلمانانو او په ځانګړې توګه د افغان مظلوم او کړېدلي ملت لپاره د رحمت او سولې کال وګرځي، د سولې خبرې اترې بریالۍ شي او د رسول الله صلی الله علیه وسلم د دې فرمان: «الراحمون یرحمهم الرحمن»، (په رحم کوونکو رحمان ذات رحم کوي) مستحق وګرځو.
اباسین یوسفزی څه ښه وایي:
له بې سترګو چې تیاره او رڼا نه پېژني
هغه دې ړوند شي پیغمبره چې تا نه پېژني
***
به مصطفی برسان خویش را که دین همه اواست
اگر به او نرسیدی تمام بولهبی است
اقبال لاهوری
