د احمد شاه بابا د امپراطورۍ د ۲۷۵مې کالیزې په مناسبت د علمي – څېړنیز سیمینار د علمي کمېټې لومړنۍ ناسته
د احمد شاه بابا د امپراطورۍ د ۲۷۵مې کالیزې په مناسبت د علمي – څېړنیز سیمینار د جوړېدو د علمي کمیټې لومړنۍ ناسته د زمري میاشتې په ۱۲مه نېټه د سه شنبې پر ورځ په علومو اکاډمۍ کې جوړه شوه.
په دې ناسته کې د علومو اکاډمي عمومي رئیس څېړنپوه دکتور عبدالظاهر شکیب، د بشري علومو د برخې مرستیال څېړنپوه دکتور محمد علم اسحق زي، د ولسمشر فرهنګي سلاکار محمد زرین انځور، استاد څېړنوال حبیب الله رفیع، د لوړو زده کړو وزارت سلاکار پوهنوال غلام دستګیر خاورین، څېړنپوه شېرعلي تزري، څېړنپوه دکتور محمد شريف ځدراڼ او څېړندوی رحیم الله حریفال ګډون درلود.
په دې ناسته کې د سیمینار د نوم پر ټاکلو سربېره د سیمینار لپاره د احمدشاه بابا اړوند د آثارو چاپولو او د علمي – څېړنیزو مقالو پر سرلیکونو سلا مشورې او بحث وشو.
